Hallur Hansson skal spæla við Vejle

14.10.2021 - 10:13
ÍtrótturFótbóltur
Hallur Hansson skal spæla við Vejle
Liðskiparin á føroyska A-landsliðnum í fótbólti, Hallur Hansson, hevur loksins fingið nýtt felag. Hann verður liðfelagi við Viljormur Davidsen
Hallur Hansson fer at spæla við Vejle tað,ið er eftir at donsku kappingini í ár
Mynd: vejle-boldklub.dk  
 

Hallur Hansson skal spæla við danska superligaliðnum Vejle. 

Tað boðar Vejle frá á heimasíðuni í morgun. 

Venjarin hjá Vejle, Peter Søresen, fegnast um sáttmálan við Hall Hansson, sum, sambært venjaranum, hevur nakrar greiðar eginleikar, sum fara at hjálpa Vejle at fáa betri úrslit. 

"Hallur Hansson hevur nógvar royndir við superligaini og kennir væl sínar nýggju liðfelagar, og tað ger, at hann kann koma beint inn á liðið. Vit fáa ein dugnaligan spælara og eina sterka persónligheit inn á liðið, sum saman við liðfeløgunum skal lyfta liðið," sigur Peter Sørensen við heimasíðuna hjá Vejle. 

Venjarin er sannførdur um, at Hallur Hansson er klárur at spæla, hóast hann ikki hevur havt nakað felag í rættiliga drúgva tíð. 

"Hallur Hansson er í venjing, sum teir 90 minuttirnir móti Skotlandi staðfestu, og tí kann hann geva sítt ískoytið til liðið beinavegin."

 

"Eg eri sera fegin"

Hallur Hansson, sum í mong ár spældi við AC Horsens, har hann eitt skifti eisini var liðskipari, er eisini fegin um sáttmálan við Vejle. 

"Eg er sera fegin um sáttmálan, sum eg havi undirskrivað við Vejle. Tað sigur seg sjálvt, at eg kenni felagið og liðið, og eg havi eisini tosað við Viljormur (Davidsen) um dygdirnar hjá liðnum, uttan mun til støðuna á stigatalvuni. Eg fari at geva alt, eg eigi, fyri at tryggja felagnum góð úrslit her í heyst," sigur Hallur Hansson, sum er vorðin 29 ára gamal. 

Hallur Hansson vandi við sínum nýggju liðfeløgum í dag, og hevur í fyrst atløgu undirskrivað ein sáttmála, sum er galdandi fyri tað, sum er eftir av donsku kappingini í heyst. 

 

Er kopiera

Sí eisini

16.10.13
15473
  •  
Nýggjastu sendingar í ÚV
Mikudag 1. desember
NiviNaja 1. partur
33485
Týsdag 30. november
Tauren Wells - LIVE
132084
Mánadag 29. november
Við Tórði á túri á Ískaiini í Havn
131976
Mánadag 29. november
Nón - 29. november 2021
131974
Mánadag 29. november
Norðurljóð 29.november 2021
131867
Nýggjastu sendingar í SV
Mánadag 29. november
Dokumentarurin: Kongoránið
131988
Mánadag 29. november
3-2
131987
Mánadag 29. november
VIDEO: Ræst kjøt á ein øðrvísi hátt
131492
Sunnudag 28. november
Andaktin
131936