B71 og AB skulu spæla uppflytingarfinalu á Sandi

Stórur spenningur er um, hvør flytur upp í best mansdeildina í fótbólti saman við Skála. 

AB og B71, sum liggja á ávikavist triðja og fjóðra plássi í 1. deild, skulu spæla eina uppflytingarfinalu á Sandi næsta vikuskiftið. 

Hetta er greitt eftir B71 í gjár á útivølli megnaði at fáa javnleik 1-1 móti Skála, sum longu er flutt upp í bestu deildina, meðan AB vann 6-1 á FC Suðuroy, ið flutti niður í triðbestu deildina. 

Harvið eru tvey stig á muni millum AB, ið hevur 43 stig, og B71, ið hevur 41 sti. 

Tað merkir, at vinnarin av dystinum Inni í Dali á Sandi næsta vikuskiftið flytur upp. AB flytur upp, um dysturin endar við javnleiki. 

AB, B71

Frítekst tagging: 

B71

AB

Helen Goffe

B71 hevur yvirtakið

Líkt er til, at B71 hevur takið á AB í ár, tí heimasandsmenn hava enn ikki tapt móti argjamonnum hetta kappingarárið. 

Fyrsta dystin spældu liðini móti hvørjum øðurm Inni í Dal á Sandi 24. apríl í ár, og tá vann B71 ein sannførandi 2-0 sigur. Málini skutu Clayton Do Nascimento og Johan Hendrik Lydersen í fyrra hálvleiki.  

Næsti dysturin millum liðini var Inni í Vika á Argjum, og hann endaði við einum 1-1 javnleiki. Málið hjá AB skeyt Bartal Petersen, meðan tað var Clayton Do Nascimento, ið javnaði fyri B71. 

Tískil má uppflytingarfinaludysturin sigast at vera púra opin, hóast B71 skal vinna dystin. 

Lítið er eisini at ivast í, at sandoyingar fara at møta fjølmentir til dystin, tí tað eru longu 10 ár síðani B71 seinast var í bestu fótbóltsdeildini við monnum. 

1. deild, støðan

Frítekst tagging: 

1. deild

støðan

MYNDIR FRÁ FYRSTA DYSTINUM MILLUM B71 OG AB Í APRÍL, SUM OLENA (HELEN) GOFFE TÓK, KUNNU SÍGGJAST Á FACEBOOK SÍÐUNI HJÁ B71.