ST um Afganistan: Flýggja ella svølta

Milliónir av afghanum hava skjótt bert valið ímillum at flýggja ella at svølta.

Tað eru greiðu boðini frá ST, eftir at tað tykist vera greitt, at størsta hungursneyð nakrantíð hóttir landið.

Tað sigur umsitingarleiðarin í matvøruhjálpini hjá ST, World Food Programme, David Beasley, við fronsku tíðindastovuna, AFP.

- Í vetur verða milliónir av afghanum noyddir at velja ímillum at rýma úr landinum, ella at svølta, um heimurin ikki kann tryggja nóg mikið av mati, sigur hann.

22 mió. fólk verða rakt

Meir enn helmingurin av afghanska fólkinum er í vanda fyri at líða hungur í vetur.

Tað fer at raka 22 milliónir fólk, harímillum 14 milliónir børn, sigur Beasley.

ST vísir á, at tveir triðingar framvegis resta í fyri at veita fólkinum íAfghanisran nóg mikið av mati.

- Niðurteljingin er byrjað. Gera vit einki, so er vandi fyri eini álvarsligari kreppu, sigur David Beasley við AFP.