Avgreiða Fámjinstunnilin og innkomuvegin í dag

Í dag fer løgtingið endaliga at avgreiða uppskotini um pengar til berghol til Fámjins og innkomuvegin í Havn.

Triðja viðgerð er á skránni fyri tingfundin, sum byrjar klokkan 11.

Bæði málini vóru samtykt, tá onnur viðgerð var týsdagin.

Tingið fer eisini at atkvøða fyrru ferð um stuðul til avlýstar tónleikafestivalar í 2021.

Jenis av Rana, landsstýrismaður, skal á tingfundinum í dag svara skrivligum fyrispurningi frá Anniku Olsen, løgtingskvinnu, um ætlanin er at geva starvfólkum á eldraøkinum løn, meðan tey eru í útbúgving.

Svarið verður viðgjørt á tingfundinum.