Rætturin tekur støðu til heilsutrygdargjøld

Týsdagin kemur dómur í Føroya rætti um drúgva málið um føroyskar sjómenn, sum sigla við norskum skipum, og rinda til norska Folketrygd og til Heilsutrygd í Føroyum.

Heilsutrygd avgjørdi longu á heysti 2019 at fara í rættin við málinum.

Málið hevur verið umrøtt í nógv ár, tí sjómenninir vilja sleppa undan at rinda tvey gjøld.

Kærunevndin hevur sagt, at menn sum sigla í Noregi og rinda til Folketrygd, ikki eisini eiga at rinda til Heilsutrygd í Føroyum.

Lógin kanska broytt

Tapir Heilsutrygd í rættinum, verður lógin um heilsutrygd kanska broytt, hevur Kaj Leo Holm Johannesen, landsstýrismaður, sagt.

Hann hevur sagt, at Heilsutrygd skal halda lógina. 

Og lógin sigur, at øll, sum búgva í Føroyum og eru 18 ár ella eldri, eiga at gjalda heilsutrygdargjald í Føroyum.