436 akfør kunnu missa nummarplátur

436 akfør eru nú í vanda fyri at missa nummarpláturnar.

Akstovan hevur í vikuni latið politistøðunum kring landið 436 mál um vegskattaeftirstøður, til at taka nummarpláturnar av akførum, sum enn ikki hava goldið vegskatt fyri seinna hálvár í ár.

Akstovan upplýsir, at um eigarin av akfarinum ikki kann vísa kvittan fyri goldna vegskattaeftirstøðu, so tekur politiið nummarpláturnar av akfarinum.