BankNordik gott úrslit

BankNordik gott úrslit
BankNordik hevði 246 mió. kr. í vinningi fyri skatt í teimum fyrsta trimum ársfjórðingunum í ár
Høvuðssætið hjá BankNordik í Havn
Mynd: Bjarni Árting Rubeksen  
 
02.11.2021 - 07:30

Tað gongur væl hjá BankNordik, tí bankin hevði 246 mió. kr. í vinningi fyri skatt í teimum fyrsta trimum ársfjórðingunum í ár.

Av teimum eru 90 mió. kr. frá selda virkseminum í Danmark.

Úrslitið er betri enn bankin væntaði.

 

Fyritøkur og húsarhald væl fyri

BankNordik sigur í tíðindaskrivi, at føroyskar fyritøkur og húsarhald eru væl fyri. 

Útlitini hjá bankanum fyri tað, sum eftir er av árinum, eru góð.

Nógv virksemi var á bústaðarmarknaðinum ársins fyrstu níggju mánaðir, sigur BankNordik.

 

14 prosent vøkstur

Samanborin við sama tíðarskeið í fjør er vøksturin í realkredittlánum 14 prosent.

Rakstrarúrslitið gjørdist 163 mió. kr. Tað var 106 mió. kr. sama tíðarskeið í fjør

Niðurskrivingar vórðu afturførdar fyri 36 mió. kr.

Niðurskrivingarnar vóru fimm mió. kr. í fjør.

 

Innlánini minka

BankNordik hevði 7,6 mia. kr. í útlánum. Útlánini vóru 7,5 mia. kr. sama tíðarskeið í fjør

Innlánini vóru 7,4 mia. kr. Tey vóru 7,5 mia. kr. í fjør.

Er kopiera
Nýggjastu sendingar í ÚV
Mánadag 13. mai
Við Tórði á túri í Skálhøvda
175000
Mánadag 13. mai
Góðan morgun Føroyar
174974
Mánadag 13. mai
Morgunlestur mánadagur 13. mai 2024
174853
Sunnudag 12. mai
Bolero 12 mei 2024
174952
Nýggjastu sendingar í SV
Sunnudag 12. mai
Norðurmakedónia - Føroyar (34-26)
174958
Sunnudag 12. mai
Guðstænasta úr Vesturkirkjuni
174946
Fríggjadag 10. mai
Veðrið
174902
Hósdag 9. mai
Komið øll við (1:2)
174846
Hósdag 9. mai
Andakt við Theodor Eli Dam Olsen
174860