Formaðurin í Búskaparráðnum: Avmarkaða kappingin ávirkar kostnaðargjøldini

Formaðurin í Búskaparráðnum: Avmarkaða kappingin ávirkar kostnaðargjøldini
- Politiska skipanin hevur herðað krøvini til føroysku bankarnar, og tað avmarkar kappingina á marknaðinum. Tá kappingin minkar, hækka prísirnir, sigur Fróði Magnussen
 
18.04.2024 - 10:19

Landsstýrismaðurin í vinnumálum, Høgni Hoydal, heitti týsdagin á føroysku bankarnar um at lækka renturnar og endurskoða brúkaragjøldini.

- Tað, sum vit kunnu gera, tað er at heita á bankarnar um at endurskoða síni gjøld og sín rentumarginal, tí tað hevði gjørt stóran mun hjá føroysku húsarhaldunum. Tað gongur væl hjá bankunum í løtuni, men bankin skal minnast til, at tað er skattgjaldarin, sum bjargar teimum, tá tað gongur minni væl, segði Høgni Hoydal, landsstýrismaður í vinnumálum. 

Men hetta verður nokk ikki til meira enn ynskir, metir formaðurin í Búskaparráðnum, Fróði Magnussen.

- Veruleikin er tann, at í einum marknaðarbúskapi verður prísurin av einari vøru í stóran mun settur eftir kappingini á økinum. Politiska skipanin er samstundis komin við herdum krøvum til eitt nú bankarnar, og hesi krøv leggja størri byrðar á bankarnar, samstundis sum tey eru avmarkandi fyri kappingina á marknaðinum. Tí tað er torført hjá nýggjum aktørum at koma inn á hendan marknaðin, tá krøvini eru herd, vísir formaðurin í Búskaparráðnum á. 

Avmarkaða kappingin á marknaðinum hevur tá ta ávirkan, sambært Fróða Magnussen, at prísurin á vørunum hækkar. 

- Møguleikin at kappast minkar, og tá hóttanin um kapping minkar, so hækkar prísurin á einari vøru. So leingi krøvini eru so mikið hørð, sum tey eru í dag, so vil prísurin vera hareftir, tí kappingin er avmarkað, sigur hann.

 

Er kopiera
Nýggjastu sendingar í ÚV
Sunnudag 26. mai
Bolero - 26. mai 2024
175611
Sunnudag 26. mai
Guðstænasta úr Glyvra kirkju
175599
Leygardag 25. mai
Jambalaja - 250524
175579
Leygardag 25. mai
Upp á tá
175573
Nýggjastu sendingar í SV
Sunnudag 26. mai
Møti úr Betesda í Klaksvík
175616
Leygardag 25. mai
Veðrið - teknmálstulkað
175571
Leygardag 25. mai
Dagur og vika - teknmálstulkað
175565
Fríggjadag 24. mai
Veðrið
175555