Stýrið fyri Bústaðir er nú arbeiðsført

Almannamálaráðið hevur góðtikið frágreiðingina, sum Andras Róin, stjóri í Bústøðum, og Anna Maria Joensen, stýrisforkvinna, hava gjørt um støðuna í Bústøðum.

Tað stendur í skrivi, sum Almannamálaráðið hevur sent Bústøðum í gjár. 

Í frágreiðingini siga stjórin og stýrisforkvinnan, at stýrið hevur verið óarbeiðsført síðani miðskeiðis í september, av ósemju millum fyrrverandi stýrisformannin, Regin Hammer, og stjóran, Andras Róin. 

Niðurstøðan í frágreiðingini er:
- at stýrið nú er arbeiðsført eftir at tað er umskipað, 
- at útlit nú eru fyri góðum samstarvi í stýrinum, millum stýrið og stjóra og umsitingina í framtíðini, 
- og at Almannamálaráðið ger ikki meira við málið.