- Tíðindi, mentan og ítróttur
Kunnu ikki siga, hvat leiguinntøkan er brúkt til
Kunnu ikki siga, hvat leiguinntøkan er brúkt til
Landsstýriskvinnan í almannamálum hevur svarað fyrispurningi frá Una Rasmussen, løgtingsmanni
Bústaðir hava eina bruttoinntøku, og tí ber ikki til at siga, hvat júst leiguinntøkurnar vera brúktar til, sigur landsstýriskvinnan í almannamálum.
08.11.2021 - 14:10
Tað ber ikki til at siga, hvat leiguinntøkurnar hjá Bústøðum seinastu árini eru brúktar til.
Elsebeth Mercedis Gunnleygsdóttir hevur svarað einum fyrispurningi frá Una Rasmussen, løgtingsmanni.
Hann spurdi, um landsstýriskvinnan kundi útgreina, hvat leiguinntøkurnar hjá Bústøðum seinastu fimm roknskaparárini eru brúktar til, tá hugsað verður um fyrisiting, viðlíkahald, niðurgjalding av skuld v.m.
Hevur bruttoinntøku
Elsebeth Mercedis Gunnleygsdóttir svarar, at Bústaðir hava upplýst fyri Almannamálaráðnum, at stovnurin hevur eina bruttoinntøku, sum er samansett av m.a. kapitalinntøkum og inntøkum av leigumálum.
Tí ber ikki til at siga, hvat júst leiguinntøkurnar eru brúktar til.
Almannamálaráðið hevur fingið eitt yvirlir frá Bústøðum, sum vísir úrvaldar postar og samanteljingar av roknskapunum hjá stovninum roknskaparárini 2016 til 2020.
Yvirlitið er lagt við svarinum til Una Rasmussen, og tað sæst her:
Er kopiera
Nýggjastu sendingar í ÚV
Nýggjastu sendingar í SV
