Stígur komin í boringina í Sandoyartunlinum

Bara tveir metrar eru boraðir Steymoyarmegin í Sandoyartunlinum seinasta tvær vikurnar.

25.oktober vóru skrásettir 17 metrar fyri vikuna frammanundan, og eisini tað er lítið sammett við aðrar vikur.

Men um ta tíðina rakti borimaskinan við eina gong, sum skal fyllast við betongi, áðrenn borast kann víðari.

Seinasta mánadag, 1.november, var eingin metur skrásettur. Men í morgun eru tveir metrar skrivaðir.   

600 metrar eftir at bora

Í fyrstani verða boraðir tveir metrar í senn í staðin fyri seks fyri at vita, um nóg nógv betong er brúkt.

Sandoyarmegin eru 46 metrar skrásettir í morgun og 45 seinasta mánadag.

Nú eru 10 kilometrar og 190 metrar boraðir, so bara stívliga 600 metrar eru eftir, so er opið millum Streymoynna og Sandoynna.