Fáir munnligir fyrispurningar í dag

Tá munnligir fyrispurningar eru á skránni í tinginum, plaga tingfólk spyrja løgmann og landsstýrisfólk um nógv ymiskt, og tað er ikki óvanligt, at spurningarnir eru millum 20 og 30 í tali.

Men í dag eru óvanliga fáir spurningar, sambært tingskránni. Teir eru bara seks í tali.

Spurt verður millum annað um kostnað fyri koronukanning við landamarkið, um minstuløn til fiskimenn, nýtt barnaheim og ferðsluviðurskifti í Sandavági og á Giljanesi.

Skráin sæst her.

Løgtingið fer í dag eisini at avgreiða uppskotið um eykajáttanarlóg fyri oktober.

Tingfundurin verður klokkan 13.