Omikron-frábrigdið varð staðfest í Evropa fyrst

Omikron var í Evropa, áðrenn tað var skrásett í Suðurafrika. 

Tað hava heilsumyndugleikarnir í Niðurlondum kunngjørt í dag, skrivar BBC. 

Sambært niðurlendsku heilsumyndugleikunum, varð nýggja slagið av koronusmittuni funnin í tveimum royndum, sum vórðu tiknar millum 19. og 23. november. 

Tað er tó ikki staðfest, um hesir persónar høvdu verið í Suðurafrika, áðrenn tey lótu seg kanna í Niðurlondum. 

Fyrstu ferð, at omikron var skrásett í Suðurafrika, var 24. november, sum er fimm dagar eftir, at omikron fyrstu ferð varð skrásett í Evropa.