Einki omikron í Føroyum

Eingin tilburður av omikron-frábrigdinum av koronu er staðfestur í Føroyum.

Tað sigur Debes H. Christiansen, deildarleiðari á Patologisku kanningarstovuni, á Heilsufrøðiligu Starvsstovuni.

Higartil eru bara sjey kanningar gjørdar, og tær eru allar gjørdar av fólki, sum hava fingið staðfest koronu, tá tey eru komin til Føroya.

Ger um seg í øðrum londum

Í øðrum londum ger omikron-frábrigdið um seg, og tað vísir seg, at nógv, sum gerast sjúk, hvørki hava verið uttanlands, ella verið saman við øðrum, sum eru sjúk.

Tí er Heilsufrøðiliga Starvsstovan farin at kanna fólk, sum eru sjúk, og sum eru smittað í Føroyum.

Tað verður gjørt fyri at fáa greiði á, um omikron-frábrigdið er í landinum, sigur Debes H. Christiansen, deildarleiðari á Patologisku kanningarstovuni á Heilsufrøðiligu Starvsstovuni.