Korona elvdi til meira harðskap í Noregi

Merete Berg Nesset, granskari, sum hevur verið við at gjørt kanningina, sigur hetta vera eina sera stóra øking.

"Hetta eru hendingar, sum eru fráboðaðar. Vit vita, at tá tað snýr seg um harðskap í tøttum relatiónum er talan um eitt slag av fjaldum harðskapi, og at myrkatalið kann vera stórt." 

Fleiri hava stúrt fyri, at farsóttin kundi vera liður í fleiri harðskapsmálum í heimum. Og tað váttar so hendan kanningin, at soleiðis hevur tað í øllum førum verið í Norra. 

Tað var í mars 2020, at norska stjórnin gjørdi av at seta samfelagið niður í ferð. Skúlar, arbeiðspláss og barnagarðar vórðu stongdir, og sostatt vóru fólk í mestan mun innan fyri teir fýra veggirnar har heima.

Tað gjørdist ótrygt fyri fleiri, og tað varð eisini nógv ringt til hjálpartelefonir av ymsum slag hetta sama tíðarskeiðið.