Friðarliga inn í nýggja árið

Sambært vakthavandi á løgreglustøðini, eru vit komin friðarliga í nýggja árið, hóast einstakar fráboðanir hava verið í gjár og í nátt. 

Fýra fólk eru tikin fyri rúsdrekkakoyring. Tað er hent ymsa staðni kring landið. 

Tað hevur verið og er enn hált á Oyggjarvegnum, og tað hevur eisini havt við sær at tveir bilar eru farnir út av vegnum, báðir sunnan fyri varðhaldið. Ongin fólkaskaði hendi.

Og so hevur ein fiburkaðal á Argjum fingið skaða eftir øllum at døma av fýrverki, sum hevur við sær, at fólk á Argjum onki internet hava í morgun.