Nógvir skaðar í nátt

Nógvur vindur hevur veirð í nátt og í gjárkvøldið og løgreglan hevur fingið fráboðanir um skaðar kring landið.

Millum klokkan sjey í gjárkvøldið og hálvgum trý í nátt vóru 16 skaðar fráboðaðir sambært vakthavandi á politistøðini.

Á vegnum oman móti Vestmanna var ein steinur bóltaður oman á vegin og ein bilur rendi á hann klokkan sjey í gjárskvøldi. 

Eingin mannskaði hendi, men bilurin kundi ikki koyra víðari.

Tveir húsvognar fóru í vindinum - annar stóð í Sundalangum og hin norðanfyri.

Tað er serliga í Havn, Klaksvík og í Sundalagnum at skaðar hava verið. 

Í Klaksvík vóru tvær fráboðanir um brotnaðar rútar, har leyst tilfar var fokið inn í teir.

Í Sundalagnum var boðað frá eini leysari tekju og ein bingja mátti tryggjast tí hon  fór akandi eftir vegnum í vindinum. 

Eisini í Suðuroynni var ein skaði við einum brotnum rúti.

Helvtin av øllum skaðum, sum hava verið í gjárskvøldið og i nátt hava verið vegna byggitilfar og annað leyst tilfar og løgreglan mælir til at fólk og serliga byggifyritøkur rudda áðrenn vindurin aftur veksur í kvøld.