- Tíðindi, mentan og ítróttur
Sigla og koyra ikki meira í dag
![](https://kvf.fo/sites/default/files/styles/grein-ovasta-mynd/public/vlcsnap-2021-01-26-09h29m36s893.png?itok=bM_5Gopg)
Nógvar avlýsingar hava verið hjá Strandfaraskipum Landsins í morgun.
Nakrar av ferjunum hava gjørt nakrar fáar túrar í morgun, men nú hava øll skipini avlýst - uttan Ternan. Klokkan 12:30 fór Ternan ein túr til Nólsoyar, og hon ger eftir ætlan aftur ein túr kl. 16.20.
Allar leiðir hjá Bygdaleiðum hava eisini avlýst.
Marin Gaardlykke, ferðslusamskipari hjá Strandferðsluni, sigur, at meira verður ikki siglt og koyrt í dag.
Nógvar avlýsingar vera væntandi eisini í morgin, sigur ferðslusamskiparin.
Eisini bussleiðirnar 6 og 7 í Tórshavnar kommunu góvust at koyra út á bygd kl 13 í dag fyri veður.
Leið 6 er bussurin, sum koyrir úr Kirkjubø til Kaldbaks, og leið 7 er bussurin, sum koyrir millum Kollafjørð og farstøðina í Havn.