Landsverk: Ansið sera væl eftir úti á vegunum

Enn er nógvur vindur og jarðrok, og Mortan Olsen, økisleiðarin hjá Landsverki, heitir á fólk um at ansa sera væl eftir úti á vegunum. 

Landsverk hevur ikki megnað at grivið til Syðradals, Oyndarfjarðar, Gjáar, um Velbastaðsháls og eftir Oyggjarvegnum. 

"Tað hevur verið nógv avfall í nátt, og tað er vátakavi, sum er trupul at rudda," sigur Mortan Olsen, økisleiðari hjá Landsverki. 

Eingin busskoyring

Hjá Strandaraskipum Landsins liggur eisini alt lamið.

Eingin busskoyring er, sigur Marin Gaardlykke, samferðslusamskipari, og tað er bara Teistin,sum siglir í løtuni. Og tað er óvist, hvussu verður við hinum Oyggjaleiðunum.  

HOYRIÐ SAMRØÐURNAR VIÐ MORTAN OLSEN OG MARINA GAARDLYKKE, SUM VÓRU Í ÚTVARPSTÍÐINDUNUM KL. 7.