Frakland byggir kjarnorkuverk

Frakland ætlar at byggja kjarnorkuverk fyri at røkka málinum um minni útlát av vakstrarhúsgassi, og tey skulu vera liðug millum 2035 og 2037, boðar stjórnin frá.

Macron, forseti, almannakunngjørdi í november eina ætlan um at byggja kjarnorkuverk, til tess at minka um innflutningin av olju, bensini og gassi.

Almenna franska felagið, EDF, hevur ment ein nýggjan reaktor, sum skal gerast.

- Vit ætla at søkja um loyvi til at byggja fyrsta verkið í 2023, og síðani skal haldast fram við arbeiðinum at byggja kjarnorkuverk til 2035 ella 2037, sigur franski varaumhvørvisráðharrin, Barangere Abba, í tjóðartinginum.

EDF hevur boðið sær til at byggja seks nýggjar reaktorar fyri 50 milliardir evrur, skrivar NTB.