Klaksvíkar kommuna vil hava íbúðir oman Valrætt

Klaksvíkar kommuna selur nú 3.658 fermetrar til íbúðabygging oman Valrætt í Klaksvík.

Byggjast kunnu í mesta lagi fýra hæddir, 11 metrar frá veghædd, og kravið um grundøki til hvørja íbúð er 150 fermetrar. 

Mest loyvda ábygging í mun til grundøkjavídd er 35 prosent.

Lendið verður selt fyri fastan prís, sum er 380 kr. fyri fermeturin, ella slakar 1,4 milliónir kr.

Kommunan skal hava tilboðini í seinasta lagi 27.januar. Í tilboðnum skal millum annað vera váttan um fígging.