Partarnir hampiliga væl nøgdir við sáttmálan

Hvørki Starvsfelagið ella Fíggjarmálaráðið eru nøgd við nýggja trý ára sáttmálan, sum partarnir hava skrivað undir.

Men avgjørt varð kortini at góðtaka semingsuppskotið.

Nýggi sáttmálin gevur lønarhækking bæði í prosentum og krónum.

Súni Selfoss, formaður í Starvsfelagnum. sigur, at tað er serliga fyrsta árið í nýggja sáttmálanum, sum órógvar.

Formaðurin í Starvsfelagnum fegnast hinvegin um, at tað eydnaðist bøta um viðurskiftini hjá sjúkraflutningstænastuni og sløkkiliðsfólkum.

Jørgen Niclasen, landsstýrismaður í fíggjarmálum, er eins og formaðurin í Starvsfelagnum ikki heilt nøgdur við semjuna. Hann heldur, at lønarhækkingin í sáttmálanum er meira lagi.

Nýggi sáttmálin sigur, at 1. januar í ár hækkar lønin 1,25 prosent, og 1. oktober í ár hækkar lønin við 740 kr. fyri tey á lønarstigi 1-20, og 540 kr. á lønarstigi 21-50.

og 1. oktober næsta ár hækkar lønin við 2,75 prosentum

Í alt svarar tað til eina lønarhækking upp á 6,25 prosent yvir trý ár.