Elsti maður í heiminum deyður

Elsti maður í heiminum, spaniólin Saturnino de la Fuente, doyði í gjár. Hann var 112 ár og 11 mánaðar gamal. 

Saturnino varð føddur í býnum León í Castilla-landspartinum har norðuri í Spania 11. februar 1909, og hann doyði í sama býi, skrivar spanska tíðindastovan, EFE, og Guinness Book of World Records.

Saturnino de la Fuente giftist Antoniu í 1933 og saman fingu tey átta børn, 14 barnabørn og 22 langabbabørn.

Hann arbeiddi sum skósmiður alla ævi sína. 

Eftir de la Fuente er venesuelarin, Juan Vicente Pérez Mora, elsti maður í heiminum. Hann er 112 ár og átta mánaðar gamal, føddur 27. mai 1909. 

Elsta kvinna, sum eisini er elsta fólk í heiminum, er japanarin Kane Tanaka. 

Hon helt 119 ára føðingardag 2. januar.