Floksfelagar ætla at leggja misálit á Boris Johnson

Floksfelagar ætla at leggja misálit á Boris Johnson
Bretski forsætisráðharrin ætlar ikki sjálvboðin at leggja fra sær, men biður Undirhúsið um fyrigeving
Boris Johnson, forsætisráðharri, segði í Undirhúsinum í dag, at hann ætlar at áseta ein dag, tá koronuavmarkingarnar skulu setast úr gildi.
Mynd: RitzauScanpix  
 
19.01.2022 - 14:48

Boris Johnson, forsætisráðharri í Bretlandi, hevur ongar ætlanir um at leggja frá sær sum landsins leiðari.

Tað er greitt, eftir at hann svaraði spurningum í Undirhúsinum í dag.

Boris Johnson er ákærdur av fleiri, tí hann hevur verið á veitslu í Downing Street, meðan restin av landinum hevur verið afturlatið vegna covid-19.

Boris Johnson var beinleiðis spurdur, um hann fór at leggja frá sær. Tá svaraði hann "nei".

- Eg biði um fyrigeving fyri allar feilmetingarnar, ið eru gjørdar, segði Boris Johnson sambært Reuters.

Forsætisráðharrin biður mótstøðufólkini um at bíða eftir eini kanning, sum nú verður gjørd um veitslurnar. Enn er ikki greitt, nær kanningarnar verða lidnar.

 

Kann vænta misálit

Boris Johnson kann hinvegin møguliga rokna við einum misáliti dag.

Ein partur av hansara floksfeløgum í konservativa flokkinum ætla leggja fram uppskot um misálit á forsætisráðharran.

Enn er ikki greitt, hvussu nógvir av floksfeløgunum hjá Boris Johnson taka undir við einum misáliti, men í minsta lagi 54 floksfelagar skulu venda honum bakið, um eitt misálit kann leggjast fram til atkvøðugreiðslu.

- Boris Johnson hevur seinastu dagarnar roynt at flyta ljóskastaran frá hesum málinum við at koma við ymsum boðum, sum hann veit, at floksfeløgunum dámar væl, sigur Tinne Hjersing Knudsen, sum starvast sum journalistur hjá Danmarks Radio í Bretlandi.

Hon sigur, at hann møguliga fer at koma við eini fráboðan um, at tað skal dagfestast, nær koronuavmarkingarnar verða settar úr gildi, og tað kann gera, at floksfelagarnir avlýsa misálitið.

Fyri løtu síðani hevur Boris Johnson boðað frá, at 26. januar, verður kravið um sóttarhald, munnbind og koronapass tikið av. Hann mælir tó til at nýta munnbind.

Er kopiera
Nýggjastu sendingar í ÚV
Fríggjadag 29. mars
Úr Koltri til Kirkjubøar (2:2)
172480
Fríggjadag 29. mars
Guðstænasta úr Hvannasunds kirkju
172951
Hósdag 28. mars
Ein sangur til dirvi
172633
Nýggjastu sendingar í SV
Fríggjadag 29. mars
Guðstænasta úr Hvannasunds kirkju
172949
Hósdag 28. mars
Skírhósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584