Vilja hava Stoltenberg at halda fram sum aðalskrivari

Tað vátta keldur fyri norsku miðlunum Verdens Gang og Dagens Næringsliv.

USA, Týskland, Bretland og Kanada hava síðani í summar heitt á norðmannin um at halda fram í starvinum.

Stoltenberg tók við sum aðalskrivari í NATO í 2014, og starvsetanin er fleiri ferðir longd.

Nú hevur Stoltenberg søkt starv sum stjóri í norska miðbankanum, og sambært Verden Gang, hevur hann ikki tikið av tilboðnum um enn eitt skeið sum aðalskrivari í Nato.

Karsten Friis, granskari á Uttanríkispolistiska stovninum Nupi í Noregi, sigur við blaðið, at Stoltenberg hevur havt týdningarmiklan leiklut í handfaringini av støðuni hjá Ukreina og viðurskiftunum við Russland.