Fyrstu lutirnir til vindmyllurnar hjá Vindrøkt komnir til landið

Fyrstu lutirnir til vindmyllurnar, sum Vindrøkt skal seta upp á Gellingarkletti, eru nú komnir til landið, og fyrst í apríl verður farið undir at seta vindmyllurnar upp.

Tað er Vestas, sum ger myllurnar til Vindrøkt.

Nógv av útgerðini liggur í Esbjerg, og um hálvan mars, skal øll útgerðin vera í Føroyum.

Vindrøkt ætlar at bera skjótt at, sigur Jóhan í Niðristovu, stjóri.

Ætlanin er greið, og tað er, at vindur skal avloysa oljuna áðrenn 2030, sum higartil  hevur verið málið, sigur stjórin í Vindrøkt.

Jóhan í Niðristovu sigur, at tað er torført at meta um oljuprísin, tí tað er ófriðarligt í heiminum í løtuni og tað ávirkar ofta oljuprísin. 

Men vindmyllurnar fara at gera stóran mun.

Birgir Enni tók hesa myndina av vindmyllu lutunum og útgerðini á Signabøi. 

Vindmyllur, Røkt