Russar meta Navalnyj sum yvirgangsmann

Russisku myndugleikarnir hava nú sett andstøðuleiðaran, Aleksej Navalnyj, á ein lista yvir yvirgangsfólk.

Níggju av ráðgevum og stuðlum hansara eru eisini skrásettir á russiska yvirgangslistanum.

Hetta upplýsir antikorruptiónsfelagsskapurin hjá Navalnyj, FBK, fyri Ritzau.

Á yvirgangslistanum er Navalnyj javnsettur við víðgongdar á høgraveingi og útlendskar yvirgangsbólkar, t.d. sum Islamiskan Stat.

Aleksej Navalnyj varð fongslaður fyri einum ári síðani. Hann varð handtikin, tá hann kom aftur til Russlands eftir drúgva sjúkralegu í Berlin, har hann fekk viðgerð fyri eitran.