Samferðslupakkin verður helst broyttur munandi

Samferðslupakkin hjá samgonguni kemur til 1. viðgerð í løgtinginum í dag.

Jørgen Niclasen, landsstýrismaður í fíggjar- og samferðslumálum, hevur skotið upp at hækka avgjaldið á bensini, dieselolju og tungolju. Hann hevur eisini skotið upp at hækka vegskattin og farmagjøldini hjá Strandferðsluni.

Hetta skal vera við til at fíggja bíligari tunnilsgjøld í Eysturoyartunnlinum, avtøkuna av  tunnilsgjøldunum í Norðoya- og Vágatunlunum umframt keypið og raksturin av einari avloysaraferju á suðuroyarleiðini.

Men hóast landstýrismaðurin hevur havt ein politiskan fylgibólk, sum hevur samstarvað um at gera uppskotið, bendir nógv á, at samferðslupakkin verður broyttur munandi, um hann í heila tikið verður samtyktur.

Heðin Zachariasen úr Fólkaflokkinum er ein av teimum, sum ikki er fegin um uppskotið:

Johan Dahl úr Sambandsflokkinum hevur somu støðu:

Og Erhard Joensen úr Sambandsflokkinum, sum eisini er formaður í fíggjarnevndini, hagar uppskotini í samferðslupakkanum fara eftir 1. viðgerð í dag, tykist vera lítið sannførdur um samferðslupakkan:

Brotini við Heðini Zachariasen, Johan Dahl og Erhardi Joensen vóru tikin úr Degi og Viku týskvøldið.

Tingfundurin í dag byrjar kl. 13.