Sáttmálatrætan dregur út

Tað dregur út at fáa semju um lønarsáttmála millum Ljósmøðrafelagið og Lønardeildina hjá Fíggjarmálaráðnum.

Semingsuppskotið, sum var lagt fyri partarnar í fyrradagin, var vrakað. 

- Roynt verður nú at tosa partarnar til rættis, og soleiðis sleppa undan verkfalli. Partarnir hava ikki sitið saman aftur, síðani semingsuppskotið var vrakað. Semingsstovnurin hevur tó havt samband við partarnar hvør sær, sigur Terje Sigurðsson, semingsmaður.

Hann hevur avtalað fund við Ljósmøðrafelagið klokkan fimm í dag.

Eingin avtala er um fund við Lønardeildina enn.

Terji Sigurðsson er annars rættiliga fámæltur um støðuna, men hann sigur tó, at í løtuni verður ikki arbeitt við at leggja nýtt semingsuppskot fyri partarnar.