Lættari at kæra um skatt

Tað skal gerast lættari at kæra um skatt.

Jørgen Niclasen, landsstýrismaður, hevur lagt uppskot fyri løgtingið um at broyta lógina um toll- og skattafyrisiting, so kæruskipanin verður einfaldari. 

Hann sigur, at tíðin er farin frá at hava kommunalar skattakærunevndir. Sjey slíkar nevndir eru.

Tær gevast, tá hetta valskeiðið hjá teimum er liðugt.

Í staðin fyri er ætlanin, at kærur um eitt nú skattaálíkning kunnu kærast beinleiðis til Føroya kærustovn. 

Semja um broytingina

Kommurnar, TAKS og Kærustovnurin eru samd um broytingina. 

Landsstýrismaðurin mælir eisini til at avtaka Toll- og skattaráðið. 

Hann sigur, at royndirnar higartil tala fyri, at uppgávurnar hjá Toll- og skattaráðnum sum heild kunnu leggjast til TAKS. 

Útreiðslan til nevndarsamsýning til Toll- og skattaráðið 132.000 kr. í fjør. 

Samanumtikið verður farið burtur frá, at kærur um skatt og avgjøld kunnu roynast í tveimum fyrisitingarligum rættarstigum.

Kæruskipanin verður einfaldari, tá kærast kann beinleiðis til Kærustovnin.