1,3 milliónir undirskriftir móti springaradrápi

1,3 milliónir undirskriftir móti springaradrápi
Føroyingurin, Rannvá Torfríð Jørmundsson, handaði løgmanni undirskriftirnar í gjár
Springaradrápið í Skálafirði í heyst. Nú hevur løgmaður fingið 1,3 milliónir undirskiftir ímóti springaradrápi.
Mynd: Bjarni Árting Rubeksen  
 
15.02.2022 - 15:12

Í gjár vóru 1,3 milliónir undirskriftir handaðar løgmanni. Tey, ið mótmæla, vilja banna springaradrápi.

Tað eru útlendskir umhvørvisfelagskapir, ið hava savnað undirskriftirnar. 

Føroyingurin, Rannvá Torfríð Jørmundsson, ið millum annað er yrkiskavari og limur í The Explorers Club, og býr í Onglandi, handaði løgmanni undirskriftirnar.

- Tað hevur aldri verið okkara siðvenja at drepa springarar. Hví skulu vit byrja nú? Eg haldi tað er púra burturvið, sigur hon í tíðindaskrivi.

 

Eingin hevur tørv á tvøstinum

Og hon heldur fram:

- Vit hava einki prógv fyri, at veiðan er burðardygg, og eingin hevur tørv á tvøstinum. Harumframt vita vit, hvussu klók hesi djórini eru, og hvussu dálkað tvøstið er. Vit kunnu rætt og slætt ikki verja at halda fram við at drepa springarar, sigur Rannvá Torfríð Jørmundsson. 

Umhvørvisfelagskapirnir, Whale and Dolphin Conservation (WDC), Sea Legacy, Only One og Avaaz, hava savnað undirskriftirnar. 

Rannvá Torfríð Jørmundsson handaði løgmanni tær 1,3 milliónir undirskriftirnar í gjár.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585