- Tíðindi, mentan og ítróttur
Fyrireika undantaksstøðu í Ukraina
Fyrireika undantaksstøðu í Ukraina
Uppskot um undantaksstøðu í Ukraina er nú orðað, men tjóðartingið skal góðkenna uppskotið áðrenn tað kemur í gildi
![](https://kvf.fo/sites/default/files/styles/grein-ovasta-mynd/public/zelensky.jpg?itok=gpSA3bwP)
23.02.2022 - 17:55
Reuters-tíðindastovan hevur fingið atgongd til uppskotið um undantaksstøðu. Í tí stendur, at ukrainski staturin ætlar at seta undantaksstøðu í gildi í 30 dagar, og bann verður sett fyri at savnast í størri mannamúgvum og fyri verkfalli, og heimild verður eisini at seta útgonguforboð í verk.
Skotið verður eisini upp at myndugleikarnir kunnu leggja seg útí arbeiði hjá sivilum útvarps- og sjónvarpsrásum, og seta í gildi reglur fyri, hvussu samskiftispallar skulu brúkast og reglur fyri kunning á netinum.
Uppskotið viðgerð eisini møguleikan fyri at seta bann fyri framleiðslu og spjaðing av kunningartilfari, sum kann elva til ófrið. Og møguleiki skal eisini vera fyri at pass hjá fólki á gøtuni, skrivar Reuters.
Nýggjastu sendingar í ÚV
Nýggjastu sendingar í SV