22 bilførarar fingið klipp í koyrikortið

Kanningar vóru gjørdar við fleiri skúlar í Havn, á Strondum og í Klaksvík. Har vóru tilsamans 22 bilførarar, sum lótu børnini sita leys í bilinum. 

Í Klaksvík stóð løgreglan í morgun uttanfyri skúlan á Skúlatrøð í bara 45 minuttir, og her gjørdist løgreglan ovfarin.Tí hesar 45 minuttirnar vóru ikki færri enn 13 bilførarar, sum lótu børnini sita leys í bilinum. 

Bilførararnir, 22 í tali, fáa klipp í koyrikortið og 1.500 krónur í sekt fyri ikki at hava børnini íbundin.