- Tíðindi, mentan og ítróttur
Russland ávarar um vápnastuðul
Russland ávarar um vápnastuðul
Russland hevur nú boðað frá, at vápnastuðul og vápnaflutningur til Ukraina frá Nato-londum verða sædd sum loyvd mál fyri herin, og kunnu tey tí vænta hernaðarligar atsóknir
13.03.2022 - 14:20
Hendan ávaringin kemur frá varauttanríkisráðharranum Sergei Ryabkov, eftir at Bretland, Týskland og USA hava sent verjuvápn móti stríðsvognum og flogførum til høvuðsstaðin í Ukraina, Kyiv.
Amerikanski forsetin, Joe Biden, hevur eisini játtað at brúka 200 milliónir dollarar, góðar 1,4 milliardir krónur, til hernaðarhjálp til Ukraina. Tað boðaðu Hvítu húsini frá í einum tíðindaskrivi í gjár.
Varauttanríkisráðharrin sigur, at Russland áður hevur ávarað USA um, at vápnastuðul ikki bert er ein vandamikil avgerð, men eisini ein avgerð, sum ger vápnaflutningslið til loyvd mál hjá russiska herinum.
Er kopiera
Nýggjastu sendingar í ÚV
Nýggjastu sendingar í SV
