Færri søkja á miðnám

Yvir 900 hava søkt um sleppa í miðnám næsta skúlaár.

Neyva talið er 918, sum eru 66 færri enn í fjør. Og 302 umsóknir færri enn í 2015.

745 hava søkt gymnasialu breytirnar, 15 hava søkt Heilsuskúlan, og 158 hava søkt inn á eina yrkisrættaða útbúgving.

Eins og undanfarin ár eru fleiri gentur enn dreingir millum umsøkjararnar. Í ár eiga genturnar 52,4 prosent, í fjør 54 prosent.

Náttúrubreytin hevur knappliga 200 umsóknir.

Stórur áhugi fyri búskaparbreyt

Størsta lopið er á búskaparbreytin í Miðnámi á Kambsdali. Har eru 93 umsøkjarar. 

Hetta eru meira enn 30 umsøkjarar fleiri enn í fjør og tvífalt so nógvar umsóknir sum í 2018. 

Tey, sum hava søkt um at sleppa í miðnám, fáa svar í seinasta lagi 2.mai.