Air Greenland fær elflogfør

Grønlendska flogfelagið Air Greenland ætlar at fáa sær elflogfør.

Felagið hevur gjørt avtalu við írska langtíðarleigufelagið Avolon.

Flogførini, sum Air Greenland ætlar at fáa sær, kunnu seta seg og fara á flog loddrætt.

Flogførini eru bretsk og eita VX4. Tey eru at kalla ljóðleys, og CO2 útlátið er einki, tí talan er um elflogfør.

Fýra ferðafólk

Flogførini taka bara fýra ferðafólk umframt ein flogskipara.

Hámarksferðin er 321 km/t, og flogførini kunnu flúgva 160 kilometrar.

Enn er ikki avgjørt, hvussu nógv VX4 flogfør, Air Greenland skal hava.