Bústaðir byggja íbúðir í Sandavági

23.03.2022 - 16:00
AktueltSamfelag
Bústaðir byggja íbúðir í Sandavági
Hetta er triðja byggingin hjá Bústøðum í Vágum
Íbúðirnar verða í einari lon, og tær skulu eftir ætlan verða lidnar í heyst.
 

Bústaðir hava gjørt arbeiðstakarasáttmála við Seve og Norðhús um at byggja fimm íbúðir í Sandavági.

Talan er um bygging í einari hædd á einum grundøki, sum er umleið 2,000 fermetrar, á Steigabrekku 24. Jákup á Stongum, arkitektur, hevur gjørt upprunaligu tekningarnar fyri byggingina.

Íbúðirnar verða bygdar í einari lon.Tær verða umleið 80 fermetrar til støddar hvør og hava køk/stovu í einum, tvey sovikømur og baðirúm. Til hvørja íbúð hoyrir úthús og terassa. Íbúðirnar verða hitaðar við jarðhita. Góð parkeringsviðurskifti eru á økinum.

Lidnar í heyst

Farið verður undir verkætlanina í næstum, og byggingin skal verða liðug seint í heyst. Tá íbúðirnar eru lidnar, verða tær bodnar til leigu til tey, sum eru á bíðilista hjá Bústøðum.

Hetta er triðja byggingin hjá Bústøðum í Vágum.

Frammanundan hava Bústaðir 10 íbúðir í Sørvági, fimm íbúðir á Garðsvegi, sum vóru bygdar í 2015, og fimm íbúðir Undir Bólheyggi, sum vóru lidnar í fjør.

Er kopiera
Nýggjastu sendingar í ÚV
Týsdag 5. juli
Pápi mín og eg: Vanja og Victor
141841
Týsdag 5. juli
Summarmorgun 050722
141840
Týsdag 5. juli
Morgunlestur týsdagur 5. juli 2022
141653
Mánadag 4. juli
Summarmorgun 040722
141790
Nýggjastu sendingar í SV
Mánadag 4. juli
3-2
141831
Fríggjadag 1. juli
Jól í tónleikinum
141718
Mánadag 27. juni
Úr savninum: Urtagarðurin 10:10
141574
Mánadag 27. juni
3-2
141573