ES-leiðarar hitta kinesiska forsetan

Ríkisleiðarar í ES hittast í dag á talgildum fundi við kinesiska forsetan, Xi Jinping.

Tey skulu tosa um innrásina í Ukraina og afturhaldnið hjá Kina at fordøma framferðina hjá Russlandi.

Charles Michel, forseti í ES, og Ursula Von der Leyen, forkvinna í ES-nevndini, leiða fundin.

Tey siga, at endamálið við fundinum er at eggja kinesisku myndugleikunum til at taka greiða støðu til altjóða lóg, og at leggja sama búskaparliga trýstið á Russland, sum vesturheimurin hevur gjørt.

Russland og Kina hava tætt samstarv, og sambært uttanríkisráðharrunum, hevur samstarvið millum londini bæði eingi mørk.

Fleiri serfrøðingar stúra fyri holla samstarvinum og fyri alsamt spentu støðuni millum vesturheimin øðrumegin og kinesarar og russarar hinumegin.