68 prosent av orkuframleiðsluni í mars var grøn

Í tíggju dagar í mars lá elframleiðslan omanfyri 80 prosent frá grønu orkukeldunum, skrivar SEV.

Nógvi vindurin og avfallið merkti, at sløk 68 prosent av samlaðu framleiðsluni í Føroyum í mars var grøn.

Tað var eisini sera vátt í mars, og sambært mátingunum hjá SEV, regnaði tað 265 mm í Vestmanna í mars í ár, í mun til 181 mm um somu tíð í fjør.

Vatnorka

Hetta eru knapt 50 prosent meira enn í ár.

Men tað var eisini hægri vindferð í Húsahaga og í Neshaga í mars í ár í mun til í fjør, og tað gjørdi at vindorkuframleiðslan var um 17 prosent.

Orkuframleiðslan úr biogassið var um 1 prosent, og tað merkir, at elframleiðslan úr olju farna mánaðin var um 32 prosent, skrivar SEV.