Guterres vitjar í Moskva í dag

Aðalskrivarin í ST, Antonio Guterres, kemur í dag á vitjan í Russlandi.

Við sær hevur hann eitt ítøkiligt ynski úr Ukraina, sum vil hava ST hava hava fult fokus á at fáa fólk úr havnarbýnum Mariupol.

- ST er ført fyri at gera hetta. Við politiskum vælvilja og integriteti vóni eg, at vit gera framstig, sigur ukrainski uttanríkisráðharrin,  Dmytro Kuleba.

Verið í Turkalandi

Guterres hevur verið á vitjan í Turkalandi, sum hevur skipað fyri fleiri friðarsamtalum millum Ukraina og Russland. Hann er nú á veg til Russlands.

Eftir vitjanina í Moskva fer hann til ukrainska høvuðsstaðin, Kyiv.

Guterres hevur fleiri ferðir mælt til humanitera vápnahvíld í krígnum í Ukraina, men undan fundinum í Moskva, sigur russiski sendiharrin í ST, at enn er langt á mál til nakra vápnahvíld.

Biðja um vápnahvíld

Flemming Splidsboel Hansen, granskari á danska stovninum fyri altjóða gransking og serfrøðingur í russiskum trygdarviðurskiftum, væntar, at um umbønin um vápnahvíld fer at standa ovast á breddanum á fundinum í Moskva í dag.

Hann sigur við danska kringvarpið, at hann ivast í, um nøkur stór avtala kemur burtur úr fundinum í Moskva í dag: