Tjóðveldi: hjálparpakki til vanlig fólk

Vit mugu gera ein hjálparpakka til vanlig fólk.

Tað segði Høgni Hoydal, formaður Tjóðveldis, í frágreiðing sínari á flokstinginum í Fuglafirði.

Hann segði, at brennistuðulin til pensjónistar eigur at hækka, tey lægst løntu eiga at fáa meira í løn, familjur í fátækraváða eiga at fáa størri familjuískoyti og fyritíðarpensjónirnar eiga at hækka.

Eitt annað uppskot hjá Tjóðveldi er, at vit í eina tíð loyva, at hjá lágløntum og miðalløntum kann partur av kravdu pensjónsuppsparingini latast sum løn. Vansin av hesum fyri tann einstaka kann seinni javnast.

Og Bústaðir skulu alt fyri eitt fáa loyvi til at byggja bíligari lutaíbúðir, ognaríbúðir, leiguíbúðir, lestraríbúðir og lærlingaíbúðir.

Bústaðir skulu eisini fáa loyvi til geva fólki stuðul til at byggja hús, segði Høgni Hoydal.