Bilur fór útav og kolaðist upp

Um hálvgumátta-tíðina í morgun fór ein bilur út av vestmannavegnum við Kvívík.

Eldur kom í bilin, sum kolaðist upp.

Ein maður var í bilinum. Hann slapp út, men gramdi seg um pínu í rygginum. Hann var fluttur á Landssjúkrahúsið til kanningar.

Maðurin var einsamallur í bilinum.

Sløkkiliðið í Kvíkvík var boðsent.

Politiið veit ikki enn, hvat orsøkin var til óhappið. Men tvey vitni eru, og tey vera avhoyrd.