Asfaltið verður eisini dýrari

Eisini asfalt verður nú dýrari.

Landsverk boðar frá príshækkingum hálvan juni og aftur hálvan august.

Hálvan juni verður asfaltið fimm prosent dýrari og 10 til 15 prosent í august.

Og av tí, at tað er vorðið verri at fáa fatur á útlendskum skervi, verður veitingartrygdin ávirkað.

Prísurin á ljósa útlendska skervinum, sum verður brúktur í asfaltinum, er longu hækkaður 12 til 15 prosent.

Nýggja flytføra skervverkið hjá Landsverki ger tó, at føroyski skervurin verður bíligari.