- Tíðindi, mentan og ítróttur
Forskúli í Kaldbak næsta skúlaár
Næsta skúlaár verður væntandi forskúli í Kaldbak.
Í fyrstani var talan um forskúlalíknandi tilboð, sum bæði Tórshavnar býráð og Uttanríkis- og Mentamálaráðið játtaðu í desember í fjør.
Síðani hevur fyrstilærarin í Kaldbak sent býráðnum uppskot um at skipa forskúla heldur enn forskúlalíknandi tilboð.
323.000 kr.
Trivnaðarstjórin hjá Tórshavnar kommunu mælir til at játta umsóknini um forskúla og søkja Uttanríkis- og Mentamálaráðið um loyvi at seta á stovn forskúla frá næsta skúlaári.
Tí taka bæði Trivnaðarnevndin og Fíggjarnevndin hjá býráðnum undir við.
Býráðið skal í dag játta 323.000 kr. til forskúlan í ár. Býráðið samtykti í februar at skipa forskúla sum tilboð í øllum kommunalum skúlum.
Foreldragjaldið fyri forskúla er 9.290 kr. um árið.