Farsóttarmál á føroyskar hendur

Farsóttarmál á føroyskar hendur
Uppskotini eru farin til hoyringar, og tey verða løgd fyri tingið eftir ólavsøku
Kaj Leo Holm Johannesen, landsstýrismaður í heilsumálum, bað um at yvirtaka farsóttarmáløkið í november í fjør. Nú eru uppskotini farin til hoyringar.
 
27.05.2022 - 08:25

Farsóttarmálsøkið skal nú yvirtakast.

Lógaruppskot eru gjørd og send til hoyringar. Hoyringarfreistin er til 24.juni.

Talan er um tvær lógir. Onnur er lógin um yvirtøkuna.

Hin er lógin um at broyta lógina um smittandi sjúkur, so myndugleikin verður føroyskur. Ætlanin er, at yvirtakast skal 1.mai næsta ár. 

Kaj Leo Holm Johannesen, landsstýrismaður í heilsumálum, bað um yvirtøkuna á landsstýrisfundi í november í fjør.

 

Løgd fram eftir ólavsøku

Yvirtøkumál er málsøki hjá løgmanni. Tað verður tí løgmaður, sum leggur uppskotini fyri løgtingið eftir ólavsøku..

Men tá málsøkið er yvirtikið, kemur tað undir ræðið hjá landsstýrismanninum í heilsumálum. 

Umsitingarliga er ætlanin, at tær uppgávur, sum landslæknin í dag hevur við støði í donsku farsóttarlógini, verða latnar Fólkaheilsustýrinum, sum fer at virka á nýggjárinum. 

  
 

Er kopiera
Nýggjastu sendingar í ÚV
Týsdag 17. november
Vitan
216375
Týsdag 17. november
Vitan
216297
Mánadag 16. november
Norðurljóð 16.november 2026
215027
Nýggjastu sendingar í SV
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti hjá Brøðrasamkomuni.
216442

Annað frá KVF