Ítróttarhøllin latin sandoyingum

Ítróttarhøllin inni í Dal á Sandi er nú latin sandoyingum.

Eitt veðbræv, sum gevur landsstýrinum veð í høllini fyri einum rentu- og avdráttarfríum láni uppá 30 mió kr., var undirskrivað herfyri.

Síðani høllin var tikin í nýtslu fyri tíggju árum síðani, hevur landið oftari enn einaferð roynt at lata kommununum í Sandoynni hana, uttan at tað tó er eydnast.

Seinasta klandursevnið millum land og kommunur var ein veggur, sum skuldi gerast av nýggjum fyri at ítróttahøllin kundi fáa brunagóðkenning.