So kundi venjarin aftur brosa

11.06.2022 - 19:35
Aktuelt
So kundi venjarin aftur brosa
Eftir tveir lakar dystir í Nations League-kappingini megnaði fótbóltslandsliðið í kvøld at vinna tann triðja dystin ímóti Litava.
Håkan Ericson, landsliðsvenjari hjá Føroyum
 

Dysturin endaði við 2-1 sigri til Føroyar, og øll málini komu fyri steðgin. Eftir eina annars góða føroyska byrjan fingu litavar lagt seg á odda í sjeynda minutti við máli, Fedor Cernych skjeyt.

Ikki gekk meira enn eitt gott korter, so gjørdu litavar brotsspark ímóti Klæminti A. Olsen, og tað setti Viljormur Davidsen trygt í málið til 1-1, sum var væl uppiborin útjavning.

Og heilt stutt fyri hálvleik fekk Jákup B. Andreasen bóltin skamt uttan fyri litaviska brotsteigin og smekkaði til við sera góðum langskoti, so Føroyar kundu fara til hálvleiks við eini 2-1 leiðslu.

Eftir steðgin rakk føroyska spælið ikki somu hæddirnar aftur, men hóast litavar høvdu onkran møguleika, kundi føroyski sigurin heilt ímóti endanum blivið eitt mál størri, men royndin frá Halli Hanssyni endaði á stongini.

Sigurin flytur Føroyar av aftasta plássi í bólkinum, so tí var einki at siga til, at Håkan Ericson eftir dystin kundi taka ímóti pressuni við einum brosi á andlitinum.

Er kopiera
Nýggjastu sendingar í ÚV
Fríggjadag 23. februar
Fiskivinnuting á Torradøgum
171118
Fríggjadag 23. februar
Breddin: Kríggj og tilbúgving
171114
Fríggjadag 23. februar
«Eg trúgvi; hjálp tú vantrúgv míni!» 
171082
Fríggjadag 23. februar
Góðan morgun Føroyar 23.02.24
171102
Fríggjadag 23. februar
Kvørnin um FMA 2024
171076
Nýggjastu sendingar í SV
Hósdag 22. februar
Heim, kæra heim (3:3)
171039
Mikudag 21. februar
Salka Valka kring knøttin (5:6)
50680
Mikudag 21. februar
Salka Valka kring knøttin (6:6)
51045
Mikudag 21. februar
Eg eri tvørkynd/ur
170916
Týsdag 20. februar
Veðrið
170886