Áseta makrelkvotuna í hesi vikuni

Áseta makrelkvotuna í hesi vikuni
Føroysku skipini hava nakað eftir av makrelkvotuni frá í fjør, sum tey longu kunnu fiska
Í hesari vikuni verður greitt, hvussu stór makrelkvotan verður í ár.
Mynd: Kommunufelagið.  
 
13.06.2022 - 16:04

Makrelkvotan fyri 2022 verður ásett í hesi vikuni.

Tað sigur Árni Skaale, landsstýrismaður, sum skal í samráð í Uttanlandsnevndini, áðrenn kvotan verður ásett.

Samlaða veiðan, sum ICES mælir til í ár, er nakað minni enn í fjør, og tí verður tilmælið hjá landsstýrismanninum samsvarandi tí.

 

Hava kvotu eftir frá í fjør

Føroysku skipini hava nakað eftir av makrelkvotuni frá í fjør, sum tey longu kunnu fiska.

Tey leitaðu eftir makreli í farnu viku, men fingu ikki stótvegis, eitt sindur av blandaðum fiskiskapi av sild og makreli.

Makrelurin var rak, og fullur í æti, so stórvegis virði er ikki í honum enn.

Føroyska makrelkvotan í fjør var 167.048 tons, sum vóru 19,6 prosent av mest loyvdu veiðuni, sum strandarlondini samdust um 4. desember í 2020.

 

Árni Skaale, landsstýrismaður í fiskivinnumálum.

 

Hækkaðu sín part

Í fjør hækkaði Føroyar sín part í sama lutfalli sum Noreg gjørdi.

Føroyski parturin var annars 12,6 prosent um árið sambært makrelsemjuni við ES og Noreg frá 2014.

Men tann semjan fór úr gildi við árslok í 2020.

Strandarlondini samdust ikki um at áseta eina samlaða kvotu í ár, og tí eru londini longu farin undir at samráðast um makrelkvotuna fyri 2023.
 

Er kopiera
Nýggjastu sendingar í ÚV
Mánadag 17. mars
Stuttligar søgur úr gomlu Havnini
189339
Mánadag 17. mars
NSÍ er tjekkað inn
189329
Mánadag 17. mars
Morgunlestur mánadagur 17.mars 2025
189183
Sunnudag 16. mars
Doktor Sophus (3:3)
189274
Sunnudag 16. mars
Doktor Sophus (2:3)
189272
Nýggjastu sendingar í SV
Sunnudag 16. mars
Andakt - Pól í Skorini
189301
Sunnudag 16. mars
Hondbóltur: Niðurlond - Føroyar
189292
Leygardag 15. mars
Dagur og vika - teknmálstulkað
189238
Fríggjadag 14. mars
Veðrið
189226