NATO-venjing í føroyskum sjógvi

Mánadagin byrjar NATO-venjingin Dynamic Moose, sum eisini verður í føroyskum sjógvi.

Venjingin byrjar í Reykjavík, heldur fram í 11 dagar og endar í Bergen, sigur Uttanríkis- og Mentamálaráðið.

Undir venjingini koma før, sum taka lut, eisini í føroyskan sjógv at gera siglingarvenjingar. Flogið verður eisini í sambandi við venjingina.

Skip, kavbátar og flogfør

Tilsamans 11 skip, tríggir kavbátar og 16 patruljuflogflør úr Bretlandi, Kanada, Fraklandi, Niðurlondum, Danmark, Noregi, USA og Týsklandi eru við í venjingini. Talan er um eina afturvendandi venjing, sum á hvørjum ári verður hildin í Norðurhøvum.

Vant verður ikki millum oyggjarnar ella á firðum og sundum, men hugsast kann, at okkurt skip kemur í føroyska havn.

Tað verður í høvuðsheitinum norðanfyri, at vant verður í føroyskum sjógvi.