Zelenskyj vil hava Danmark at hjálpa sær við ES-limaskapi

Forsetin í Ukraina, Volodomyr Zelenskyj, heitir á Danmark um at hjálpa landinum til at fáa ES-limaskap.

Zelenskyj takkaði fyrrapartin dønum fyri hjálpina, landið hevur veitt Ukraina síðani russisku innrásina í februar.

Samstundis hevði ukrainski forsetin eina áheitan á danskar politikarar um at hjálpa Ukraina í málinum um limaskap.

- Eg vil fegin, at Danmark stendur saman við hinum ES-londunum á leiðini til ES-limaskap, segði Zelenskyj í takkarrøðu fyrrapartin.

Sambært forsetanum í Ukraina, taka 96 prosent av fólkunum í landinum undir við, at landið fær ES-limaskap.

Volodomyr Zelenskyj undirstrikar samstundis, at tað er vónleyst hjá landinum at samráðast við Russland, sum støðan er í løtuni.